Guverineri wa Banki Nkuru y’u Rwanda, John Rwangombwa, yatowe nka Guverineri w’umwaka mu bihembo byatangiwe mu nama yiga ku iterambere ry’ibigo by’imari ku mugabane wa Afurika izwi nka Africa Financial Industry Summit (AFIS).
Ni inama yatangiye kuri uyu wa Mbere tariki 28 Ugushyingo, izasozwa kuri uyu wa Kabiri tariki 29 Ugushyingo 2022 i Lomé muri Togo.
Yahurije hamwe abayobozi batandukanye mu bijyanye n’urwego rw’imari kuri Afurika, abashoramari, abarimu n’impuguke mu bukungu, hagamijwe kureba uburyo uru rwego rwarushaho gutezwa imbere muri Afurika.
